ತುಳು ಗಾದೆ/ಪಾತೆರೊ

 ತುಳು ಗಾದೆ/ಪಾತೆರೊ

• ವನಸ್ ಆಂಡ ಕೇಂಡ, ಮುಂಡಾಸ್ ಮುಪ್ಪ ಮರಂಗೆ ಪಂತೆಗೇ
• ಕಪ್ಪಲ್ ಜಿಂಜಾಯರೆ ಪೋತಿನಾಯೆ ಆಂಡಲಾ ಬೈದೆಗೆ, ಬಂಜಿ ಜಿಂಜಾಯರೆ ಪೋತಿನಾಯೆ ಬೈಜೆಗೆ
• ಬೂತೊಗು ಕಟ್ಟಿ ಬಚ್ಚೆಲ್, ಪಿರಿ ಬೊಕ್ಕನೇ ಗೊತ್ತಾಪಿನಿ
• ಒಟ್ಟೆ ಬೂರುಂಡ ಕುಟ್ಟೆ ಪೋಂಡು
• ಇಸ ಇತ್ತ್0ಡಲಾ ಒಲ್ಲೆ ಒಲ್ಲೆನೇ, ನಾಗೆ ನಾಗೆನೆ
• ದೊಂಕು ಬುಡಿಯೆಡಲಾ, ಕಡಪು ಬುಡಯೇ 
• ಆಟದಾಯಗ್ ಜೀಟಿಗೆದಾಯನ ಮಿತ್ತ್ ಕಣ್ಣ್ 
• ಆರೆಂಟೆಲೆ ಪೊದ್ದಗ್ ಸಿರಿಂಟಿನ ದೋಸೆ
• ಕಂಜಿದ ಅಂಬಿ ಸುದ್ದೊಗೂ ಅವಾ?
• ಕಡೀರ ಮಗೆ ಆದ್ ಪುಟ್ಟರೆ ಬಲ್ಲಿ, ಅಕೇರಿದ ಮರ್ಮಲಾದ್ ಪೊಗ್ಗರೆ ಬಲ್ಲಿ  
• ಬಸಲೆದ ದೊಂಪೊಗು ಕಂಜಿ ಕಟ್ದ್ ಬತ್ತಿಲೆಕ
• ಉಂಗಿಲ ಪಾಡಿನ ಕೈಟ್ ನೋತುಂಡ ಬೇನೆ ಆವಂದ್ 
• ನಾಯಿ ಬೊಞಡ್ ಜೆತೊಂದು ದಂಡಿಗೆಡ್ ಪೋಪಿನ ಕನ ಕಟಿಲೆಕ
• ನೀರ್ ಕೈತಲ್ ಇಪ್ಪೊಡು, ಬಿನ್ನೆರ್ ದೂರೊಡೇ ಇಪ್ಪೊಡು 
• ಆಯೆ ರಚ್ಚೆನ್ ಬುಡ್ಪುಜೆ, ಇಂಬೇ ಗೂಂಜಿಡ್ ಬುಡ್ಪುಜೆ 
• ಎರುಕ್ ದೊಂಬು ಪತ್ತಂದ್, ಬೋರಿ ಬರ್ಸಗ್ ಉಂತಂದ್
• ಊರುಡು ರಂಗೆ, ಪರವೂರುಡು ಮಂಗೆ
• ಚೀಪೆ ಇತ್ತಿನಡೆ ಪಿಜಿನ್ ಬರು, ಮಡೆ ದಕ್ಕಿನಡೆ ಕಕ್ಕೆ ಬರು
• ಎಕ್ಕಲೇ ಮೀಸೆ ಫೊಗ್ಗಾಯಿಲೆಕಾ
• ಒಂಜಿ ಕೋಪೊಗು ಉಗ್ಗೆಲ್ ಲಾಗಿಂಡ, ಏಲ್ ಕೋಪೊಗ್ ಮಿತ್ತ್ ಬರೊಲಿಯಾ 

ಪುಳ್ಕೂರು ಬಾಚೆ

ಪಕ್ಕಿಲೊನ್ಲಾ ಕಲರವದೊಟ್ಟುಗು ಆನಿ ಅಮ್ಮನ ನೆರಡೆಲಾ ಎಡ್ಡೆಡು ತಿಕ್ಕೊಂದು ಇತ್ತ್ಂಡ್!
ಕಾರಣದಾಲಿಜ್ಜಿ ಕಾಂಡೆ  ಬೇಗ ಲಕ್ಕೆರೇ ದಾನಿ ಪಂದ್ .
ಕಾಂಡೆದ ಆತ್ ಶೋಕುದ ನಿದ್ರೆನು ಏರೆಗ್ಲಾ ಹಾಲ್ ಮಂತೊನ್ರೋ ಮನಸ್ ಆವಾ ಅತೇ !! 
ಯಾನ್ ಅಂಚೆನೇ ಉದಾಸೀನಡು  ಲಕ್ಕುದು ಬೆಡ್ ಶೀಟ್ ಮಡ್ಚಿದ್ ಕಬೊರ್ಡುಡು ದೀದ್ ಮೆಲ್ಲಾ ಕೋಣೆರ್ದ್ ಪಿದಯ್ ಮಂಡೆ ಪಾರ್ದು ನೆರ್ಪುನಾ ಅಮ್ಮಾ ಓಲ್ಲೆರ್ ಪಂದ್ ತೂಯೇ! 
ಯನ್ನ ಪುಣ್ಯಗು ಆರ್ ಅಟಿಲ್ದ ಕೋಣೆಡ್ ಇತ್ತೆರ್ ಇಜಿಂಡಾ ಯನನ್ ತೂದು ಕುಡಾ ರೇಡಿಯೋದ ವಾಯ್ಸ್ ರೈಸ್ ಆಪುಂಡ್ .
ಮೆಲ್ಲಾ ಕೋಣೆದ ಬಾಕಿಲ್ ಮುಚ್ಚಿದು ಪಿದಯ್ ಬತ್ತೆ , ಪಪ್ಪಾ ಕುಲೊಂದು ಟಿವಿ ತೂವೊಂದ್ ಇತ್ತೆರ್, ಅದಗ ನೆನ್ಪಾಂಡ್ ಯಂಕ್ ಹೋ ಇನಿ ಅಯಿತಾರಂದ್! ಕಾಲೇಜ್ದ ಎಕ್ಸಾಮ್ ಆದ್  ರಜೆ ಇತ್ತ್ಂಡಾ ವೊವ್ ದಿನಂದ್ಲಾ ಗೊತ್ತು ಆಪುಜಿ ಅಂದ್ ಎನ್ನೊಂದ್ ಪಿದಯಿ ಬನ್ನಗಾ ದೊಂಡೆ ಕೇನೊಂದ್ ಇತ್ತ್ಂಡ್ , ಬೇತೆ ಏರ್ನಲಾ ಅತ್ತ್  ಎನ್ನ ಪಲಯನಾ.
ದಾನಿ ಇನಿ ಬಾರಿ ಬೇಗ ಬೊಲ್ಪಾತುಂಡ ಪಂದ್ ಪಿದಯಿ ಬತ್ತೆ!!
ದಾದಯ ನಿನ್ನ ಕಾಂಡೆ ಕಾಂಡೆ ಜಗಲಿಡು ದೊಂಡೆ ದೀಪ ಪಂಡೇ ಯಾನ್, 
ನಿಕ್ಕ್ ದಾಯೆಗ್ ಆಪುಂಡಾ ವುಲಯ್ ನೀರ್ ದೋಸೆ ಮಂತೊಂದು ಇಪ್ಪೊಡ್ ಅಮ್ಮ ಕನಲಾ ಪಂಡೇ!!
ಬೋಡು ಆಂಡ ಪೋದು ತಿನ್ ಪಂಡುದು ಮೋನೆದೆಕುದು ಬರ್ನಗ ಬಾರೀ ರಾಜ ಮರ್ಯಾದಿ ಆಯೊಂದ್ ಇತ್ತ್ಂಡ್ ಆಯಗ್ , ಊರ್ದ ಅಗ್ಲೇರ್ದ್ ಎರೆಡ್ಲಾ ಅತ್ತ್ ನಮನ ಇಲ್ಲಡ್ ಆಯನ್ ಮಂಡೆಡು ದೀಪುನ ಅಮ್ಮ ಬಕ್ಕ ದೊಡ್ಡಡ!!
ದಾಯೆಗ್ ಪಂದ್ ಎನ್ನೊಂದ್ ಜಗಲಿಗ್ ಬತುದು ಕುಲ್ಲುನಗ ನೆನ್ಪಾಂಡ್ , ಹೋ ಇನಿ ಅಣ್ಣಗು ಸ್ಟೇಟ್ ಲೆವೆಲ್ದಾ ಮ್ಯಾಚ್ ಗು ಪೋರತ ಪಂದ್! ಅಯಿಕ್ಕೆ ಬೇಗ ಲಕ್ಕುದು ಇಂಚ  ಶೂ ಪೂರಾ ಪಾರ್ದು ಬ್ಯಾಗ್ ಪ್ಯಾಕ್ ಮಂತುದು ಕುಲ್ಲುದಿನಿ ಮಗೇ ಪಂದ್ಲಾ ಅದಗ ತೆರಿಂಡು. 
ಎಂಚಿನ ಮಂಡೆ ನಿನ್ನ ಸಮ್ಮು ಅಣ್ಣಾ ಗೊಬ್ಬರೇ ಪೋವೊಂದು ಉಲ್ಲೇ, ಎಡ್ಡೆಡು ಪಾತೆರುದು ಕೆಲವ್ ಮತ ಕನವೆರೆ ಲೀಸ್ಟ್ ಪನೊಡು ಪಂದ್ ಇತ್ನಾ ಐಡಿಯನು ಈಯೇ ಹಾಲ್ ಮಂತೊಂಡಾ ಅತಾ ಪಂದ್ ಎನ್ನ ಬುಧ್ಧಿ ಎನನ್ ತೂದು ತೆಲ್ತುಂಡು ‌. ಆಂಡ ಏತ್ ಗಲಾಟೆ ಆಂಡಲಾ ಅಣ್ಣಡ ಪನಂದೇ ಯಾನ್ ಕುಲ್ಲುವೇನೇ ಇಜ್ಜಪ್ಪ! 
ಅಂಚೆನೇ ಮೆಲ್ಲಾ ಅಣ್ಣನ ಬರಿಟು ಪೋದು ಕುಲ್ಲಿಯೇ,  ಮೆಲ್ಲ ಅಣ್ಣಾ ಪಂಡೇ ಆಯಗ್ ಅಮ್ಮನ ಅವ್ವ್ ದೀತೆ ಉಂದು ದೀತೆ, ಸರಿಟ್ ಉನು ಅಂಚ ಇಂಚ ಪಂದ್ ಪನ್ನಗಾ ಯಾನ್ ಲೈದುನಾ ಓಲು ಗಾಳಿಡು ಪೋಂಡಾ ದಾನ್ಯಾ ಪಂದ್ ಎನ್ನುದು ಕುಡೊರಾ ಅಣ್ಣಾ ಪಂದ್ ಜೋರುಡು ಲೆತ್ತೆ,
ದಾದ್ದೇ ಪಂಡೆ , ಯಂಕ್ ಬನ್ನಗ ಯೇನಲಾ ಕನಲ ನನ ಅಂಚೆನೇ ಬರೊಚ್ಚಿ ನಿಕ್ ನೆನ್ಪು ಆಪುಜಿಡ ಮೆಸೆಜ್ ಪಾಡುವೆ ಪಂಡೇ.....
ನಿಕ್ ಏನಲಾ ಕನಪುಜಿ ಪೋಲಾ ಬೋಡು ಆಂಡ ಪೋದು ಕನಲಾ ಪಂದ್ ಯಾನ್ ಪನ್ಯ ಅವೆನ್ ಎಂಕೇ ತಿರ್ಗದು ಪಂಡೇ ಆಂಡಾ ಆಯೇ ಯಾನ್ ಪನಿ ಬಕ್ಕ ಕನಪೇ ಪಂದ್ ಎಂಕ್ ಗೊತ್ತುಜ್ಜಾ !! 
ಈತ್ ಮತಾ ಆನಗ ರಾಹುಲ್ ಅಣ್ಣಾ ಬತುದು ಆಯಗ್ ಲೆತ್ತೆರ್ ಹಾ ಬತ್ತೆ ಪನ್ಯಾಯೇ ಮಾತೆರ್ನಲಾ ಕಾರ್ ಗು ಬುರ್ನಗ ಅಣ್ಣಾ ಒಂಜಿ ಕಾರ್ ಬುಡ್ಯಾ ಪಂಡೇ ಏರ್ ದೊಡ್ಡನನ ಪನ್ಯಾಯೇ ಆರ್ನ ಅಡೆಗ್ ಬರ್ನಗ ಯಾನ್ ಯನ್ನಾ ಪಂದ್ ಪಂಡೇ , ಜೋಕುಲ್ನಾ ಮತ ಕಾರ್ ಪತ್ತುಜೆರ್ ಪಂದ್ ಎನನ್ ತೂದು ಗೇಲಿ ಮಂತುದು ದೊಡ್ಡನ ಕಾರ್ ಪತ್ನಗ ಮಾತೆರ್ಲಾ ಗೆಂದುದು ಬಲಾ , ವಿಜಯೀಭವ ಪಂದ್ ಆಶೀರ್ವಾದ ಮಂತುಂಡಾ ಎನ್ನ ದೊಡ್ಡ ಮಾತ್ರ "ಬಾಚನ ಲಕ್ಕ ದೇವೆರ್ ನಿಕ್ಕ್ ರಟ್ಟೇ ಕೊರಡು ಮಗ ಎಡ್ಡೆಡು ಗೊಬ್ಬುದು ಕೀರ್ತಿಕನಲ "ಪಂಡೆರ್

ಆಯೇ ಮಾತೆರ್ನಲಾ ಕಾರ್ಗು ಬೂರ್ದು ಪೋಯೇ ಆಂಡ ಎನ್ನ ಮಂಡೆಡು ಏರ್ ಅವ್ವ್ ಬಾಚು ಪಂಡಾ ಪಂಡುದೇ ಇತ್ತ್ಂಡ್ ! ದೇಗ್ ಪಂಡ ಎಂಕ್ ಆ ಪುದರೇ ಪೊಸತ್ ಅತೇ ! 
ಇಪ್ಪಡ್ ಆರ್ಡನೇ ಕೇನುಗ ಪಂದ್ ಓಲ್ಲೆರ್ ದೊಡ್ಡ ಪಂದ್ ಅಂಚಿ ಇಂಚಿ ತೂನಗ ದೊಡ್ಡ  
ಇಂಚಿಡು ಕುಲೊಂದು ನೀರ್ ದೋಸೆ ತಿನೊಂದು ಇತ್ತೆರ್, ಆರ್ ತಿಂದುದು ತಟ್ಟೆ ದೆಕ್ಕೆರೇ ಲಕ್ಕುನಗ ರಪ್ಪ ಆರ್ನ ತಟ್ಟೆ ಗೆತೊಂದು ಇಂಚಿ ಕೊರಿ ದೊಡ್ಡ  ಪಂಡುದು ತಟ್ಟೆ ದೆಕುದು ಬತುದು ದೊಡ್ಡ , ಈರ್ ಎಕಾಡ್ ಬಾಚು ಪಂಡರ್ ಅತೇ ಏರ್ ಅಂಚ ಪಂಡ ಪಂದ್ ಕೇಂಡೇ?
ಎನ್ನಿಯೇ ಪೊಣ್ಣೆ ಇಂಚೆನೇ ಏನಲಾ ಇಪ್ಪೊಡು ಇಜಿಂಡ ಎನ್ನ ಪುಲ್ಲಿ ಎನ್ನ ಬೇಲೆ ರಪ್ಪ ಮನ್ಪುಜೊಲ್ ಪಂದ್ , ಪೋಲಾ ಪೋದು ತಿಂಡಿ ತಿನ್ ಕಾಂಡೇ ಕಾಂಡೇ ಮಂಡೆ ತಿನೊಚ್ಚಿ ಪಂಡೆರ್ , ಆಂಡಾ ಯಾನ್ ಬುಡ್ಪೆನಾ ಇಜ್ಜಿ !
ಪನ್ಲೇ ದೊಡ್ಡ ಈರ್ ಪಂಜಿಡಾ ಯಾನ್ ಲಕ್ಕುಜೀ ತೂಲೇ ಪಂಡೇ , ಎನ್ನ ಹಠ ಆರ್ ತೆರಿಯಂದಿನಾರತ್ತ್ ಅತೇ ಅಯಿಕ್ ಆವು ಪಂದ್ ಪನ್ರೇ ಶುರು ಮಂತೆರ್!!
ಇಂದ ಮಗ ಅವ್ ಬಾಚು ಅತ್ ಬಾಚೆ ಪಂಡದು ಬಾಚೆ ನಮ್ಮ ತುಳುನಾಡುದಾ ಮಲ್ಲಾ ವೀರೇ!!
ವೀರೇ ಪಂಡ ಆರ್ ದಾದೆ ಆರ್ ಡಬ್ಲೂ ಡಬ್ಲೂ ದಕ್ಲೆನಾ ಲಕ್ಕಾ ಪೂರಾ ಹಾಕೊನ್ನ ಅಯಿಟ್ಲಾ ಗೆಂದೊಂದ್ ಇತ್ತೇರಾ!!
ನಿನ್ನ ಆ ಡಬ್ಬಿ ಡಬ್ಬಿದ ಲಕ್ಕ ಅತ್ತ್ ಆಯೇ , ಆಯಗ್ ತೆರಿಯಂದಿ ಗೊಬ್ಬು ಇತಿಜಿ ಆಯೇ ಕಿನ್ನ ಇತ್ತಿನದಗ!!
   ಹೋ ಆರ್ ಕಿನ್ನ ಇಪ್ಪುನದಗ ಲಾಯಿಕ್ ಗೊಬ್ಬೊಂದು ಇತ್ತೆರಾ ಅಯಿಕ್ ಈರ್ ಅಣ್ಣಗು ಅಂಚ ಆಶೀರ್ವಾದ ಮಂತಿನಾ...
ನಿನ್ನ ಮಂಡೆ, ಮದ್ಯಡು ಪಾತೆರೊಚ್ಚಿ!!
ಹಾ ಆವು ಪನ್ಲೆ!!
ಆಯೇ ಮಾಮಲ್ಲ ವೀರೆ , ಕಾಲಿ ವೀರೆ ಮಾತ್ರ ಆದ್ ಪುದರ್ ಪೋತಿನಿ ಅತ್ತ್ ಆಯೇ,  ಅಯಗ್ ಪೂರಾ ಬೇಲೆಲಾ ತೆರಿದಿತ್ತ್ಂಡ್ ಗೇ!!
ಬಾಚೆ ಇತ್ತಿನಿ ಇರ್ನೂದು ವರ್ಸ ಪಿರಡ್ದು ಪಂದ್ ಎನ್ನ ಅಮ್ಮೆರ್ ಪನ್ಪೆದೆರ್ !!
ಅಂದೇ!!
ಆಯಗ್ ದೇಗ್ ಅವ್ವ್ ಅಂಚ ಪುದರ್ .
ಮದ್ಯಡು ಪಾತೆರೊಚ್ಚಿ ಮದ್ಯಡು ಪಾತೊರುಂಡ ಪನ್ಪುಜಿ!!
ಆವು ಆವು ಸೋರಿ ಜಯಮ್ಮ !!
ಹಾ!!ಬಾಚೆ ಮಾ ಮಲ್ಲ ವೀರೆ ಮಾತ್ರ ಅತ್ತ್ ಮಗಾ, ಆಯೇ ಸಕಲಕಲಾ ವಲ್ಲಬೇ ಆದ್ ಇತ್ತೆಗೇ.
ಬಕ್ಕ ಆಯನ ನಿಜ ಪುದರ್ ಏನನಾ ಇತ್ತೇ ನೆನ್ಪಾವೊಂದ್ ಇಜ್ಜಿ
ಹಾ ಮಲ್ಲೇಜಿ ಅವ್ ಬಕ್ಕ ತೂಕ!!
ಹಾ !!
ಬಾಚನ ಊರು ಪುಲ್ಕೂರುಗೆ.
ಒಂಜಿ ಸಾರಿ ಒಂಜಿ ದೇವಸ್ಥಾನರ್ದು ಕುಡೊಂಜಿ ದೇವಸ್ಥನಗು ಒಂಜಿ ಪೊರ್ಲುದ ಕೆತ್ತನೆ ಇತ್ನಾ ಬಾರೀ ಮಲ್ಲಾ ಕಲ್ಲ್ ಕೊನೋಡು ಆಂಡ್ ಗೆ!!
ದುಂಬುದಾ ದೇವಸ್ಥಾನಡು ತೂಪಿನಗುಲು ಕೇನುನಗಲು ಏರ್ಲಾ ಇತಿಜಿ ಅತ ಅಂಚಾದ್ ಅವೆನ್ ಪೊಸತ್ ದೇವಸ್ಥಾನಗು ಕನೆರೇ ಮಾತೆರ್ಲಾ ತಯಾರಾಯೆರ್ಗೇ !!
ಆಂಡ ಅವ್ವ್ ಬಾರಿ ಮಲ್ಲ ಕಲ್ ಅತ ಊರ್ದಗ್ಲೆರ್ದು ಎರೆರ್ದ್ಲಾ ಆಯಿಜಿ
 ಉಂದೆನ್ ಮತ ತೂಯಿನಾ ಬಾಚೆ ಅವೆನ್ ಮೆಲ್ಲ ಲಕ್ಕದ್ ಆಯನಾ ಮಂಡೆಡ್ ದೀವೆರೇ ಪಂಡೆಗೆ ಸುರುಕ್ಕು ಎರುಲಾ ಒಪ್ಪಿಜೆರ್ಗೆ ಬಕ್ಕ ಕುಡಾ ಬಾಚೇ ಎನರ್ದು ಆಪುಂಡ್ ಪಂಡುದು ಪನ್ನಗ ಆವು ಪಂದ್ ಅಂಚೆನೇ ಆಯನ ಮಂಡೆಗ್ ದೀಯೆರ್ ಆತ ನೇಲ್ಯಾ ಕಲ್ಲ್ ನು ಆಯೇ ಒರಿಯೇ ಕನತೆಗೇ!!
ಅಂದೇ!!
ಹಾ ಕಾಲೀ ಕಲ್ಲ್ನು ಒರೀಯೇ ದೆರ್ತೆ ಅಂಚದ್ ಮಾತ್ರ ಆಯೇ ಪುದರ್ ಪೋತಿನಿ ಅತ್ ಬಾಲೇ! 
ಯಾನ್ ಎಕಾಡೆ ಪನ್ಯ ಲಕ್ಕ ಆಯೇ ಸಕಲಕಲಾ ವಲ್ಲಬೇ ಒಂಜಿ ಸರಿ ಪಾಪುಗು ಪಲಾಯಿಕಲ್ ಬೋಡಾಂಡ್ ಪಂದ್ ಅರೆಸೆರ್ ಪನ್ನಗ ಕುಡೊಂಜಿ ಊರುಡು ಇತ್ತಿನವೆನ್ ಆಯೇ ಒರಿಯೇ ತುದೇ ದಾಂಟೊಂದು ಕಂದೆ.
ಅಂಚೆನೇ ಕುಡೊಂಜಿ ಸಾರಿಗೆ ಕಂಬಳಡು ಮಂಜೊಟ್ಟಿಗ್ ಬತುದುನಾ ಗೋಣೆರ್  ಮರ್ಲ್ ಮಂತೊಂದು ಬಲ್ಪುನಗ ಜೋಕುಲ ಬಾಲೆಲು ಬಕ್ಕ ಮಾತೆರ್ನಲಾ ಜೀವ ಒರಿಪದ್ ಇತ್ತೆಗೇ!!
ಆಯೇ ಮಾಮಲ್ಲ ಸ್ವಾಭಿಮಾನಿ !!
ಹಾ!! ಬೊಕ್ಕ
ಬಕ್ಕ ದಾದ ಪಂಡ  ಬಾಚಡ  ಒಂಜಿ ದೈವಸ್ಥಾನದ ಬಂಡಿ ಪೋತುಂಡು ಪನ್ಯ ಅಯಿಕ್ ಆಯೇನೇ ಬಂಡಿ ಮಂತುದು ಅಯಿಕ್ ಬಣ್ಣ ಕೊರ್ದು ಇತ್ತೆಗೇ!!
ಇಂಚಿತ್ನಾ ಬಾಚೆ ಪಂಡ ಕಿನ್ನ ಕಿನ್ನ ಜೊಕುಲೆಗ್ಲ ಬಾರಿ ಮೋಕೆ ಇತ್ಂಡ್ ಗೆ !
ಊರ್ದಗ್ಲೆಗ್ ಬಕ್ಕ ಅರಸೆರೆಗ್ ಮಾತೆರೆಗ್ಲಾ ಅಯೇ ಪಂಡ ಬಾರಿ ಹೆಮ್ಮೆ!!
ಅಂದೇ ಬೊಕ್ಕ !!
ಅಯನಾ ಬಗ್ಗೆ ಪಂಡ ಮುಗ್ಯುಜಿ ಮಗ ಆತ್ ಉಂಡು ಕುಡೊರಾ ಏಪಲಾ ಪನ್ಪೆ ಈ ಇತ್ತೆ ಪೋದು ತಿಂಡಿ ತಿನ್ ನಿನ್ನ ಅಪ್ಪೆ ಇಜಿಂಡ ಸಟುಗ ಪಂತೊಂದೇ ಬರ್ಪೊಲ್ ಪೋ ಪೋ!!
ಇಜ್ಜಿ ದೊಡ್ಡ ಇರೆಗ್ ಬಕ್ಕ ಮದಪುಂಡು ಇತ್ತೇನೆ ಪನಿ!! ಪಂದ್ ಯಾನ್ ಪನ್ನಗ ನಮನಿಲ್ಲದ ಹೆಡ್ಮಾಸ್ಟೆರ್ ಲೆಪ್ಪೆರೆ ಸುರು ಮಂತುದು ಇತ್ತೆರ್.
ಪೋ ಪೋ ಇತ್ತೆ ಬತ್ತಲ್ಡಾ ಹಾಕುವೊಲು ಪನ್ನಗ ಅಮ್ಮ ಬತುದು ಆದ್ ಇತ್ತ್ಂಡ್ .
ಯಾನ್ ರಪ್ಪ ವುಲಯ್ ತಿಂಡಿ ತಿನ್ರೆಂದ್ ಬಲ್ಪುನಗ 
ರೇಡಿಯೋಲಾ ಆನ್ ಆದ್ ಇತ್ತ್ಂಡ್!!

✍️ನೈತನ್ಯ

ಎನ್ನ ದೊಡ್ಡ

ಅಂದ್ ನಮ ತುಳುವೆರ್ ಐರ್ದ್ ಒಟ್ಟುಗು ನಮ ಕನ್ನಡಿಗೆರ್ಲಾ ಅಂದ್. ನಮಕ್ ತುಳು ಬಕ್ಕ ಕನ್ನಡ ರಡ್ಡ್ ಕಣ್ ಇತ್ತಿಲಕ್ಕ ಅತೇ, ದೇಗ್ ಪಂಡ ನಮಕ್ ರಡ್ಡಲಾ ಮಸ್ತ್ ಮುಖ್ಯ ಅತೇ ಬಂಧುಲೇ... ಯಾನ್ ಅನ್ವಿತಾ ನಿಗಲ್ನಾ ಇಲ್ಲದ ಬಾಲೆ......!!!
ಇಂಚ ನಮ್ಮ ಟಿವಿಡು ತನ್ನ ಪುಲ್ಲಿ ಪಾತೆರ್ನಗ  ಬಾರಿ ಆಸೆಡು ತೂವೊಂದ್ ಇತ್ತೆರ್ ಲೀಲಕ್ಕ.

ಅನ್ವಿತಾ: ಏತ್ ಟಿವಿ ತೂಪ‌ರ್ ದೊಡ್ಡ ಕಾಂಡೆ ಲಕ್ಕುದು ಲಕ್ಕುದು ಸುರು ಆಪುಂಡು ಟಿವಿ ತೂವೆರೆ ಇರ್ನಾ, 
ಯಲ್ಲೆರ್ದ್ ಬಕ್ಕ ನನ ಕಾಂಡೆ ಲಕ್ಕುದು ಯೋಗ ಕ್ಲಾಸ್ಗೂ ಪೋವೊಡು!
ದೊಡ್ಡ: ಟಿವಿ ತೂವಂದೆ ದಾದಾ ಮನ್ಪುನಿ ಬಕ್ಕ, ಈ ಇನಿ ಬೇತೆ ಸೀರೆ ತುತ್ತುಲಾ ಮಗಾ ವುಂದ್ ದಾದಾ ಆತ್ ಸೋಕು ಇಜ್ಜಿ!!
"ಅಂದೇ ದೇಗ್ ಶೋಕು ಇಜ್ಜಿ....."
"ಇಜ್ಜಿ ಈ ಬೇತೆ ತುತ್ತುಲಾ ....."
"ದಾದೆ ಇರ್ನಾ ಗುರೂಜಿ ಪಂಡೆರಾ ಮೀನ ರಾಶಿ ದಗುಲ್ ಮಂಜೊಲ್ ಕಲರ್ ಪಾಡ್ರೆ ಬಲ್ಲಿ ಅಂದ್", ಪಂಡುದ್ ತೆಲ್ತೊಲ್...
"ನಿಕ್ ಯಾನ್ ಸುಳ್ಳು ಪಂಡಲಾ ಗೊತ್ತು ಆಪುಂಡು ಅತಾ ಬಕ್ಕ ಕೇನುನಿ ದೇಗ್"
"ಅಂಚ ದಾಲ ಆಪುಜಿ ಯಾನ್ ಪೋದು ಬರ್ಪೆ ದೊಡ್ಡ"
"ಆವು, ಜಾಗ್ರತೆ ಮಗಾ... ಯನ್ನ ಫೋನ್ ಗು ರಿಚಾರ್ಜ್ ಪಾಡುಲ ......."
"ಹಾ ಆವು ದೊಡ್ಡ, ಇರ್ ಬಯ್ಯಡ್ ಕಂಪ್ಯೂಟರ್ ಕ್ಲಾಸ್ಗು ಪೋಪರ್ಡಾ ಯಂಕ್ ಫೋನ್ ಮನ್ಪಿ ಯಾನ್ ಕ್ಯಾಬ್ ಕಡಪುಡ್ಪೆ ಗೊತ್ತು ಆಂಡೆ...... ನನ ಒರ್ತಿಯೇ ಪೋವೊಚ್ಚಿ ....."
"ಕಂಪ್ಯೂಟರ್ ಕ್ಲಾಸ್ ಕೋಡೆಗ್ ಆಂಡ್ ನನ ತೂಪಿನಿ ದಾದ ಮನ್ಪುನಿ ಪಂದ್ .ಆವ್ವ್ ಮಾತಾ ಇಪ್ಪಡ್ ಈ ಪೋದು ಬಲಾ ಜಾಗ್ರತೆ......"
"ಆವ್ ಅಂಚಂಡಾ ಯಾನ್ ಬರ್ಪೆ....."

ಅನ್ವಿತಾ ಬಕ್ಕಾ ಲೀಲಕ್ಕ, ಅಜ್ಜಿ ಪುಲ್ಲಿ ಆಂಡ ಅನ್ವಿತ ಯೇಪಾಲ ಅಲ್ನ ಅಜ್ಜಿ ಮಾತೆರ್ನಲಕ್ಕ ಮನಿಪಂದೆ ಕುಲ್ಲೊಡು ಅಂದ್ ಪಂತಿಜೊಲ್!! ಪಂತಿಜೊಲ್ ಪನ್ಪಿನೈಟುರ್ದ್ ಆಲ್ ಮನಿಪಂದೆ ಕುಲ್ಲೆರೆ ಬುಡ್ತಿಜೊಲ್ ಅಂದುವೇ ಪನೊಲಿ ಬುಡ್ಲೇ!!! ಆಲ್ ಅರೆನ್ ಇಂಚೆನೆ ಯೋಗ ಕ್ಲಾಸ್ ಕಂಪ್ಯೂಟರ್ ಕ್ಲಾಸ್ ಪಂದ್ ಅಜ್ಜಿನು ಬಾಲೆದ ಲಕ್ಕ ಅರೆಗ್ ಇಷ್ಟ ಇಪ್ಪುನ ಪೂರಾ ಮನ್ಪೆರೆ ಪನ್ಪಿನ ಪೊಣ್ಣು .
ತಾನ್ ಮದ್ಮೆ ಆದ್ ಪೊಂಡಾ ತನ್ನ ಅಜ್ಜಿ ಒರ್ತಿಯೇ ಆಪೆರ್ ಪಂದ್ ಅಲೆಗೆ ಸರಿ ಆಪುನ ಆಲ್ನಾ ಕಂಡೀಷನ್ ಪೂರಾ ಓಕೆ ಪನ್ಪುನ ಆನ್ ತಿಕ್ಕುನಟ ಮದ್ಮೆಆಪುಜಿ ಅಂದ್ ಲೀಲಕ್ಕಗ್ಲಾ ಪಂತಲ್ ತುಲೆ ನಮ್ಮ ಪೊಣ್ಣು.....
ಅಂಚ ಆದ್ ಲೀಲಕ್ಕ ನಿಕ್ಕ್ ಸರಿ ಆಪುನ ಆಣನು ಈಯೆ ತೂಲ ಎಂಕ್ಲಾ ಸಾಕು ಆತುಂಡು ಪಂತಿನಾರ್ ಆರ್ನಾ ಪುಲ್ಲಿಗ್ ಆಣ್ ತುಪನ ಉಂತವುನಿ ಮಾತ್ರ ಕನೊಟು ಅಂಚ ಇನಿಲ ಆಲೆಗ್ ಗೊತ್ತು ಇಪ್ಪಂದೆ ಒರಿ ಆನಡ ಪಂದ್ ಅಲ್ನಾ ಆಫೀಸ್ಡು ಪಾತೆರ್ರಾ  ಪಂದ್ ಇತ್ತೆರ್.

ಆಯೆ ಬೇತೆ ಓಲುಲಾ ಅತ್ತ್ ಅವುಲೆ ಬೇಲೆ ಮನ್ಪುನಾಯೆ ಆಯನ ಪುದರ್ ಅವಿನಾಶ್. ಆಯಗ್ ತುಳು ಆತ್ ಬರ್ಪುಜಿ ಕನ್ನಡ ಬುಡ್ನಾ ಇಂಗ್ಲಿಷ್ ಮಾತ್ರ ಬರ್ಪುನಿ ಆಂಡ ಆಯೆ ಅಡೆಗ್ ಸೇರ್ದುನಿಯೇ ನಮ್ಮ ಅನ್ವಿತಾಗೊಸ್ಕರ......... 
ಬೇಲೆ ಆದ್ ಬಯ್ಯ ಇಲ್ಲಗ್ ಪೋಪುನಲ್ಡ ಎದುರು ಬತುದು ಪಾತೆರ್ರಾ ಉಂಡು ಅಂದ್ ಅಲೆನ್ ಕ್ಯಾಂಟೀನ್ಗೂ ಲೆತೊಂದು ಬತುದು ಇತ್ತೆ ಅವಿನಾಶ್. ಆಯೇ ಲೆತೊಂದ್ ಬತುದು ಅರ್ಧಗಂಟೆ ಆಂಡಲಾ ನನಲಾ ದಾಲ ಪಾತೆರಂದಿನ ತೂದೂ ಅನ್ವಿತಾನೇ ಪಾತ್ತೆರ್ರಾ ಶುರು ಮಂತುದು ಇತ್ತಲ್. 
"ಏನೋ ಮಾತಡಬೇಕು ಅಂದ್ರಿ ಅಲ್ವಾ ಅವಿನಾಶ್"
"ಹಾ ಹೌದು ಹೇಗೆ ಹೇಳೋದು ಗೊತ್ತು ಆಗ್ತಾ ಇಲ್ಲಾ ನೀವೇನು ಅನ್ಕೊಳಲ್ಲ ಅಂದ್ರೆ ಹೇಳ್ತೀನಿ"
"ಸರಿ ಹೇಳಿ ಏನ್ ವಿಷ್ಯಾ....."
"ಅದು ನೀವು ನನ್ನ ಮದುವೆ ಆಗ್ತೀರಾ, ಹಾಗಂತ ಈಗ್ಗೆ ಹೇಳ್ಬೇಕಂತ ಇಲ್ಲಾ ಟೇಕ್ ಯುವರ್ ಓನ್ ಟೈಮ್"
"ನಿಮಗೆ ಈ ವಿಷಯವನ್ನು ಮಾತಾಡ್ಲಿಕೆ ಯಾರ್ ಹೇಳಿದ್ದು ಅಜ್ಜಿನಾ?!!"
(ಅಲೆಗ್ ಅಲ್ನಾ ಅಜ್ಜಿನ ಬುದ್ದಿ ಗೊತ್ತುಜ್ಜಾ ಅತೇ)
"ಹೌದು ಆದ್ರೆ ನಾನು ನಿಮ್ಮನ್ನ ತುಂಬಾ ಪ್ರೀತಿ ಮಾಡ್ತೀನೀ, ನಮ್ ಜೊತೆಗೆ ಮದುವೆ ಆದ್ಮೇಲೆ ಅಜ್ಜೀನು ಇರ್ತಾರೆ ಎಂತೂ ನಂಗೂ ಯಾರು ಇಲ್ಲಾ ನಂಗು ಅಜ್ಜಿ ಪ್ರೀತೀ ಸಿಕ್ಕಿದ್ರೆ ನಂಗಿಂತ ಪುಣ್ಯವಂತ ಯಾರಿಲ್ಲ ಅನ್ಕೋತೀನಿ ಯಾಕಂದ್ರೆ ನಂಗೆ ಆ ಪ್ರೀತಿ ಹೇಗಿರುತ್ತೆ ಎಂದೇ ಗೊತ್ತಿಲ್ಲ"
"ನೋಡಿ ನನ್ನ ಅಜ್ಜಿಗೆ ನೀವು ಇಷ್ಟ ಆಗಿದ್ರೆ ನಂಗು ನೀವು ಇಷ್ಟಾನೆ ಆದ್ರೆ ಮದುವೆ ಆದ ಮೇಲೆ ಅಜ್ಜಿ ಬಗ್ಗೆ ಚೂರು ನಿರ್ಲಕ್ಷ್ಯ ತೋರಬಾರದು. ತಿಪ್ಪೆಯಲ್ಲಿ ಬಿದ್ದವಳನ್ನ ಎತ್ತಿ ಆಡಿಸಿ ಇಲ್ಲಿ ಇಷ್ಟು ದೊಡ್ಡವಳಾಗಿ ಮಾಡಿದ್ದಾರೆ ಅವರಿಲ್ಲ ಅಂದಿದಿದ್ರೆ ನಾನು ಯಾವ ಪ್ರಾಣಿಗೆ ಆಹಾರ ಆಗ್ತಿದ್ನೋ ಗೊತ್ತಿಲ್ಲ ನಿಮ್ಗೆ ನನ್ನ ಶರತ್ತು ಓಕೆ ಆದ್ರೆ ನಂಗೆ ಮದುವೆ ಒಪ್ಪಿಗೆ ಇದೆ."
ಆಲ್ ಮದಿಮೆಗ್ ಅವು ಪನ್ಯಾ ಕೆಂದ್ ಆ ಆಣಗು ಉಡಲ್ ದಿಂಜಿದು ಬತುದುಇತ್ತುಂಡು ಕ್ಯಾಂಟೀನ್ ಡ್ಡು ಪಿದಯ್ ಬತ್ತಿ ಬಕ್ಕ ಲೀಲಕ್ಕಗು ಫೋನ್ ಮಂತುದು ಪೂರಾ ವಿಷಯ ಪಂದ್ ಇತ್ತೆ ಅವಿನಾಶ್.
ತನ್ನ ಪುಲ್ಲಿ ತನ್ನ ಬಗ್ಗೆ ದೀತಿನ ಮೋಕೆ ತೂದು ಎನ್ನನೆ ಸ್ವಂತ ಪುಲ್ಲಿ ಆತುಂಡಲಾ ಈತ್ ಮೋಕೆ ದೀತಯೆರ್ ಅಂದ್ ಕಣ್ಣಡೂ ನೀರು ಬತ್ತುಂಡಲಾ ಆಲ್ ಮದಿಮೆಗು ಒಪ್ಪುದುನ ಎನ್ನುದು ಮಸ್ತ್ ಖುಷಿಟು ಇತ್ತೆರ್ ಲೀಲಕ್ಕ.

ನಮ ಇತ್ತೆದ ಜನರೇಶನ್ ದಗುಲು ಮನ್ಪುನಾ ತಪ್ಪೆ ಉಂದು ಅತೇ ಬಂದುಲೆ ನಮನ ಇಲ್ಲಡು ಇತ್ತಿನ ಹಿರಿಯಕ್ಲೆಗ್ ಇತ್ತಿನ ಆಸೆ ಇಷ್ಟ ಕಷ್ಟಲೆನು ತೂವಂದೆ ಬದುಕುನಿ ಆಂಡಾ ಒಂಜಿ ಕಾಲಡು ನಮನ ಪಪ್ಪಾ ಅಮ್ಮರ್ದು ಜಾಸ್ತಿ ನಮನು ಅಗುಲು ತೂದು ಇಪ್ಪೆರ್ ಕೆಲೆವೆರ್ ಅಜ್ಜಿ ಅಜ್ಜ ಅತ್ ಅಗುಲೆನಾ ಪಪ್ಪಾ ಅಮ್ಮನಾ ಇಷ್ಟ ಕಷ್ಟಲೆನೇ ತೂಪುನಾ ತಾಳ್ಮೆಡು ಇಪ್ಪುಜೆರ್ ಆಂಡ ಅಗುಲ್ಲಾ ನಮನು ಅಂಚೆನೆ ತೂತುವೆರ್ಡಾ ನಮ ಇತ್ತೆ ಇಪ್ಪೆದನಾ ಅತೇ.........

✎ನೈತನ್ಯ